ILOILO –Magasapol pa ang tagsa ka mga Municipal Disaster Risk Reduction Management Officer sa probinsya sang Iloilo tuhoy sa pagdeklarar sang state of calamity bangud sa weak El Niño.
Ini ang kasunod sang pagdeklarar sang banwa sang Bingawan kag Lambunao sang state of calamity bangud sa tuman ka daku nga piyerde sa mga pananom bangud sa kakulang sang tubig.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction Management Office, iya ginpahayag nga may yara pa sang 43 ka mga Local Government Unit (LGU) ang nagpalab-ot sang reklamo tuhoy sa piyerde sa mga pananum.
Kun mahisugtan sang tagsa ka mga MDRRMO nga magdeklarar sang state of calamity, ang PDRRMO naman ang maga-endorso sini sa kay Gov. Arthur Defensor Sr sa masunod nga semana.
Nakadepende na kay Gov. Defensor kun ano nga lihok ang iya pagahimuon agud nga mahatagan sang alibyo ang mga naga-agunto nga mangunguma.
