ILOILO CITY – Wala napunggan ni Iloilo City Mayor Jose Espinosa III nga magpabutyag sang pagkadismaya may kaangtanan sa ginpahamtang nga children’s playground sa mga public plaza sa syudad sang Iloilo.
Ini matapos ang pahayag ni Dra. Kristine Gaona Treñas, chairman sang Iloilo City Heritage and Conservation Council (ICHCC) nga wala nagpakig-angot si Mayor Espinosa nga magpatukod sang playground sa mga public plaza nga ginakabig cultural heritage.
Sa interview sang Bombo Radyo kay Espinosa, iya ginpahayag nga kun tani indi lang paglamuran sang pamulitika ang iya ginapatuman nga mga proyekto ilabi pa nga para ini sa kabataan.
Ginpahayag man ni Espinosa nga indi man mahinago nga indi siya ang ginasakdag ni Dra. Treñas nga chairman sang ICHCC.
Dugang pa sang alkalde, ang ICHCC ang magapakig-angot sa iya bangud nga ang City Council ang nagtukod sang nasambit nga talatapan.
Kun matuod nga istrikto ang ICHCC sa pagdumala sang mga cultural heritage, kun tani may yara sila sang aktu sadto agud nga matapna ang pagbaligya sang ukay-ukay sa sulod sang plaza.
