ILOILO CITY – Mahimo nga halin sa mga natumod nga drug groups sa Iloilo, Bacolod City kag Negros Occidental ang bag-o nga drug lord sa Western Visayas nga pinaka-ulihi nga ginatumod ni Presidente Rodrigo Duterte.
Suno kay Lieutenant Colonel Joem Malong, tagpamaba sang Police Regional Office (PRO) 6, wala gindetalye sang presidente kun sin-o ang bag-o nga drug lord nga nagbulos sa napatay nga top drug lord sa rehiyon nga si Melvin Odicta Sr.
Santo sa record sang PRO 6, may duha ka drug groups sa Iloilo, tatlo sa Bacolod City kag anum sa Negros Occidental.
Ginpahayag ni Malong nga wala pa sang may natumod nga bag-o nga drug lord sa syudad sang Iloilo apang indi man malipod nga may mga drug group halin sa iban nga lugar nga naga-operate sa syudad.
