ILOILO CITY – Nagapanawagan ang Metro Iloilo Water District (MIWD) sa mga konsumidor nga magpirma sang bag-o nga kontrata para padayon nga maka-avail sang water services.
Suno kay MIWD Officer-In-Charge Amarylis Josephine Castro, magasugod na sa Hunyo 1 ang pag-operate sang Metro Iloilo Water, ang brand name sang Metro Pacific Iloilo Water Incorporated.
Ini ang kasunod sang P12.4-billion nga Joint Venture Agreement sa tunga sang MIWD kag Metro Pacific Water.
Ang Metro Iloilo Water suno sa kay Castro ang bag-o nga korporasyon nga gintukod agud mapaayo kag mapasangkad ang water distribution sa syudad kag pila ka mga banwa sa probinsya sang Iloilo.
Nagalab-ot sa 80 tubtub 20% sang ownership sang Metro Iloilo Water ang pabor sa Metro Pacific Water rason nga dapat nga pirmahan sang mga konsumidor ang bag-o nga kontrata.
Sa pihak sang pagpa-athag sang MIWD, nagakahangawa ang pila ka mga konsumidor sa pagpirma sa bag-o nga kontrata.
Suno kay Castro, mahimo nga masaylo ang kontrata sa tunga sang bag-o nga korporasyon kag mga konsumidor santo Revised Guidelines and Procedures sang National Economic and Development Authority (NEDA).
Indi na kinahanglan ang public hearing bag-o ang pagsaylo sang bag-o nga kontrata bangud indi man ini natuhoy sa water rates.
Ang Metro Iloilo Water na ang maga-operate sa water distribution samtang sa monitoring sang pagpatuman sang Joint Venture Agreement nakatuon ang MIWD.
