MIAGAO ILOILO-– Dakop ang isa ka katapo sang New Peoples Army (NPA) matapos ang nagluntad nga engkwentro sa tunga sa sang rebelde nga grupo kag sang militar sa Barangay Masaroy Calinog Iloilo.
Suno kay Lt. Col. Joel Benedict Batara, commanding officer sang 61st Infantry Battallion sang Philippine Army, samtang nagapatigayun sang combat operations ang militar, nakabatun sila sang report nagikan sa mga tawo nga may yara sang presensya sang rebelde sa lugar.
Wala naman sang narekord nga napilasan sa tropa sang gobyerno.
Suno kay Batara nagdugay sang halos 10 ka minutos ang engkwentro sa tunga nila sang Communist Party of the Philippine-New People’s Army (CPP-NPA) .
Gindayaw man niya ang wala untat nga effort sang militar agud madakpan ang mga rebelde.
Ginpasalamatan man niya ang mga pumuluyo nga padayun ang paghatag sa ila sang impormasyon kun may yara sang presensya sang rebelde nga grupo sa ila lugar.
Nakuha naman sa encounter site ang mga armas, ammunitions kag mga subversive nga mga dokumento nga ginapanag-iyahan sang mga rebelde.
