ILOILO CITY–Nagapahamtang sang mga motorist assistance desk ang Department of Public Works and Highways (DPWH) ukon ang Lakbay Alalay sa pila ka terminals agud maghatag man sang bulig sa mga motorista subong nga kwaresma.
Ini ang may kaangtanan sa selebrasyon sang semana santa.
Sa interview sang Bombo Radyo kay Mr. Gerard Parra, Assistant District Engineer, sang Iloilo City District Engineering Office, iya ginpahayag nga ang nasambit nga mga assistance desk ang ila ginpahamtang sa Tagbak terminal, Mohon terminal kag Ungka terminal.
Suno kay Parra katuyuan nila ang makabulig sa mga nagabyahe sini nga semana santa.
Nagsugod naman kahapon ang ila pagpahamtang sang mga assistance desk kag magalawig ini sa sulod sang 24 oras tagsa ka adlaw.
Magatakop naman ini sa adlaw sang Lunes las 12:00 sang udto kun sa diin may yara sang shifting kag may lima ka personnels nga magaduty tagsa ka shifting.
