Masarangan mo ayhan nga buy-an ang tanan nga may ara ka sa subong?
Sa Hong Kong, isa ka 52 anyos nga lalaki ang ginpili nga magtulog sa mga dalanon sa sulod na sang pito ka tuig.
Ginbuy-an niya ang iya nga trabaho kag manggad.
Sa una mo nga pagtulok kay Simon Lee, indi mo mahibaluan nga nagtapos siya sa kolehiyo sa kurso nga chemistry kag nakapangita sang trabaho.
Apang na desisyonan ni Simon nga indi na pagpadayunon ang iya trabaho bangud sa stress.
Bangud sini, nagtutor na lang si Simon sa mga kabataan apang ini ang wala man nagdugay.
Suno kay Simon, nangin matawhay ang iya nga kabuhi sa subong nga sa kilid sang dalan na lang siya nagatulog sa diin wala siya sang may ginabayadan nga renta, indi niya kinahanglan nga magbakal sang balay kag makatulog siya sa bisan diin lamang.
Ginakabig ni Simon nga ang pagtulog sa kilid sang dalan ang makasolbar sang madamo nga problema.
Ginatinguhaan na lang niya nga makakuha sang mga leftover nga pagkaon agud nga indi siya magutoman.
Ang panapton naman ni Simon ang naghalin sa social workers sang Hong Kong.
Nagapati ang lalaki nga bilang homeless, wala na siya sang iban pa nga panumdumon sa diin mapakot na lang ini kun ano ang iya madangatan.
