ILOILO CITY- Ginpakamalaot sang isa ka konsehal sa syudad sang Iloilo and indi pagtambong sa sesyon sang Iloilo City Council sang iya man kaangay nga mga konsehal sa diin nagboycott ang mga ini sa ila session sa diin isa sa mga agenda ang pagdeklarar sang state of water calamity.
Sa interview sang Bombo Radyo kay Councilor Joshua Alim, iya ginpahayag nga nadismaya siya sa ginhimo sang iya mga kaupdanan.
Suno kay Alim ang ginhimo sang mga konsehal ang nagapakita sang pagka iresponsable, anti- people kag politically motivated .
Nahibaluan nga kadam-an sa majority block nga kaalyado ni Iloilo City Lone District Congressman Jerry Treñas ang wala nagtambong sa sesyon samtang sang makit-an naman ni Liga ng mga Barangay President Irene Ong nga wala ang iya kaupdanan wala man ini nagkadto sa sesyon sa baylo iya ginbalibad nga nagsakit ang iya tiyan.
Nahibaluan nga sa nasambit kun tani nga sesyon pagadiskusyunan ang pagdeklarar sang state of calamity sa syudad sang Iloilo may kaangtanan sa kakulang sang suplay sang tubig
