ILOILO CITY— Ginhangkat ni Iloilo City Mayor Jose Espinosa III ang bilas sini nga si Iloilo City Lone District Congressman Jerry Trenas nga aku-on nga siya ang utok sang pagboycott sang mga konsehal sa sesyon sang Sangguniang Panlungsod sa diin ang mayor nga agenda amo ang pagdeklarar sang state of calamity sa syudad sang Iloilo.
Lakip sa mga wala nakatambong sa sesyon amo sanday Vice Mayor Jeffrey Ganzon, Councilors Love Baronda, Ely Estante, Leila Luntao, Armand Parcon kag Jay Trenas ng lunsay kaalyado sang kongresista.
Samtang lakip naman sa nagtambong sa sesyon amo sanday city councilors Liezl Joy Zulueta-Salazar, Candice Tupas, Eduardo Peñaredondo, Plaridel Nava, Joshua Alim, R Leone Gerochi, kag Lyndon Acap.
Naka-leave naman si Councilor Mandrie Malabor, nga kaalyado naman ni Espinosa.
Sa interview sang Bombo Radyo kay Espinosa nga indi dapat magpang-init ukon maakig si Treñas sa baylo akuon nalang nga ginhambalan niya ang mga kaalyado nga konsehal nga indi magtambong sa sesyon.
Samtang sa interview naman sang Bombo Radyo ginsabat ni Treñas ang akusasyon ni Espinosa.
Suno kay Treñas, wala siya naka-istorya sa mga kaalyado nga konsehal nga magboycott sa sesyon.
