ILOILO CITY – Gintawag ni Iloilo City Mayor Jose Espinosa III nga ‘intentional boycott’ ang ginhimu sang mga kaalyado nga konsehal ni Iloilo City Lone District Cong. Jerry Treñas nga indi pagtambong sa session agud nga ideklarar ang State of Calamity sa syudad sang Iloilo.
Sa interview sang Bombo Radyo kay Espinosa, iya ginpahayag nga mahimo nga nagpati gid ang iban sa mga opisyal sang syudad sa mandu sang iya bilas nga si Cong. Treñas nga gamiton sa pamulitika ang paggasto sang calamity fund.
Sa pagkamatuod suno kay Espinosa, indi niya luyag nga mapreso rason nga wala sang rason nga maghimo siya sang kurapsyon ilabi na sa tion sang water crisis.
May yara sang quorum ang pagdeklarar sang State of Calamity suno kay Espinosa rason nga wala sang sala sa nasambit nga lihok sang Sanguniang Panlunsod.
May pabati-bati man ang alkalde nga indi siya kasubong sang iban nga pulitiko nga naanad lang sa bentaha.
Kun tani suno sa alkalde, may yara man sang delicadeza ang mga nagboycott nga opisyal bangud nga kaayuhan sang pumuluyo ang nabutang sa ital-ital.
Sa pagkamatuod suno sa natungdan, yara lamang sa 5 tubtub 8 million pesos ang mahimo nga magasto sang syudad tubtub nga masolbar ang water crisis.
