Mahilig ka bala magkaon sang paho?
Sa mga pungsod sa Asya, ang paho ang ginakabig nga ‘king of all fruits’ bangud mas kilala ini nga may pinasahi nga sabor ipaanggid sa iban nga mga prutas.
Mahimo nga makaon ang paho nga hilaw ukon luto apang ano bala ang mas masustansya sa duha?
Suno kay Alexis Mucumbitsi, pinuno sang Ministry of Health, ang hilaw nga paho ang duag berde kag yellow naman ang luto.
Ang hilaw nga paho ang maaslom ipaanggid sa luto nga paho.
Magkapareho lamang ang duha nga mataas ang Vitamin C.
Apang mas madamo naman ang bitamina nga makuha sa hilaw nga paho.
Isa pa nga kinalain sang hilaw nga paho amo nga may yara ini sang pectin nga isa ka polysaccharide nga makit-an sa iban nga mga prutas kaangay sang mansanas kag berries.
Ang pectin ang isa ka fiber nga ginagamit sang paghimo sang bulong para sa mga tawo nga mataas ang triglycerides kag cholesterol levels.
Ini man ang ginagamit agud malikawan ang colon cancer.
Paathag sang eksperto, hilaw ukon luto man ang paho, kaangay lamang ang duha nga naga protekta sa tawo batuk sa cancer lakip na ang prostate, breast kag leukemia.
