Handa nga magpamati ang Malacañang sa rekomendasyon sang Department of Energy (DOE) nga palawigon ang election holiday agud masigurado ang bastante nga suplay sang kuryente sa adlaw sang eleksyon.
Suno sa DOE, magluwas sa Mayo 13, mahimo nga mangin holiday man ang Mayo 14 agud masiguro nga wala sang matabo nga brownout sa isipay sang mga boto.
Apang sa subong, ginpahayag ni Presidential Spokesperson Atty. Salvador Panelo nga wala pa sila sang nabaton nga pormal nga rekomendasyon nagikan sa DOE.
Sa tion nga maka-abot na ini sa Palasyo, gilayon nila ini nga tun-an aud nga mahatagan sang lihok sa pinakamadasig nga tion.
Nahibaluan nga nagakahangawa ang pila ka mga mamalidha sa posibilidad nga brownout ilabi na sa isipay sang boto bangud maapektuhan sini ang kredibilidad sang resulta sang eleksyon.
