India, naglunsyar sang mass evacuation kag shut down sa mga port sa posible nga pagbubo sang tuman ka mabaskog nga bagyo Fani

INDIA – Nag-umpisa na nga mag-evacuate ang linibo nga mga tawo sa India bangud sa posible nga pagbubo sang mabaskog nga bagyo Fani.

Suno kay Bishnupada Sethi, special relief commissioner, magluwas sa pag-evacuate sang mga tawo, gin-untat naman ang mga operasyon sa mga port, terminal kag paluparan sa lugar.

Dugang pa sang natungdan, ginatinguhaan sang gobyerno nga mahatag ang mga kinahanglanon sang mga evacuees sa lugar kag ma proteksyonan ang mga ini.

Nagpanugyan man ang mga otoridad sa mga dumuluong nga likawan ang pagbisita sa temple town sang Puri nga isa ka sagrado nga destinasyon para sa Hindu pilgrims.

Nahibaluan nga duha ka dekada ang nagligad, masobra 10,000 ka tawo ang napatay bangud sa super-cyclone nga nag-igo sa Odisha.