Tag-iya sang restaurant ginadumilian ang pagsulod sang mga kabataan naga edad 14 anyos panubo

BINZ, GERMANY – Atensyon sa mahilig magkaon sa restaurant.

Nakakita ka na bala sang restaurant nga ginadumilian ang mga kabataan nga naga edad 14 anyos panubo?

Sa Binz, Germany, wala ginapahanugutan ang mga 14 anyos panubo nga mga kabataan matapos ang alas 5:00 sang hapon sa isa ka restaurant.

Suno kay Rudolf Markl, tag-iya sang restaurant, indi niya luyag nga may mga kabataan nga nagasinabad sa sulod sang restaurant rason nga gin-ban niya ang mga naga edad sang 14 anyos panubo.

May nahamtang man nga signage sa guwa sang restaurant nga ‘ADULT-ONLY RESTAURANT’.

Apisar sang madamo nga pagpakamalaot sa tag-iya bangud sa ginapahayag discriminasyon, padayon nga nagapanindugan si Markl sa iya nangin desisyon.