ILOILO CITY – Wala napunggan ni Iloilo City Mayor Jose Espinosa III nga pabati-bati-an ang mga opisyal nga wala nagboto-pabor nga ipaidalom sa State of Calamity ang syudad sang Iloilo.
Sa interview sang Bombo Radyo kay Mayor Espinosa, iya ginpahayag nga tuman na ang pag-into sang iban nga pulitiko sa mga pumuluyo.
Sa pagkamatuod suno kay Mayor Espinosa, ang mga pumuluyo ang nagareklamo sang kakulang sang tubig bangud sa El Niño.
Ginpahayag man sang alkalde nga tuyo sang opisyal nga kaalyado sang iya bilas nga si Iloilo City Lone District Cong. Jerry Treñas nga magpaguwa sang ginapahayag ‘statement’ sang mga Punong Barangay nga nagapamatuod nga wala sang kakulang sang tubig.
Kadungan sini, ginpahayag man sang alkalde nga kasubong nga nagapataka lang ang iya mga kritiko sa pagpaguwa sang pahayag nga iya gastuhon ang calamity fund sa pagpangampanya.
