Madamo na sang mga picture ang nagalapta sa social media tuhoy sa Cardrona Bra Fence ukon mas kilala na subong bilang Bradrona.
Nag-umpisa ang ‘bra fence’ sang tuig 1999 sang natukiban nga may yara sang apat ka mga bra nga nakabutang sa kudal.
Nangin kontrobersyal ang ini nga tourist attraction sa Central Otago, New Zealand bangud sa madamo nga bra nga nakabutang sa kudal sa kilid lamang sang dalan.
Apisar nangin atraksyon ang nasambit nga kudal, madamo naman ang nagpakamalaot bangud sa kahuy-anan nga ginatuga sini sa lugar kag delikado para sa mga driver bangud mahimo nga ang atensyon ang yara na sa kudal kag indi sa dalan.
Kinahanglan lamang nga kuhaon sang babayi ang iya nga bra kag ibutang sa kudal.
Katuyuan sang Bradrona amo ang makabulig sa mga tawo nga may breast cancer pinaagi sa paghatag sang donasyon sang mga tawo nga nagabisita sa nasambit nga lugar.
