Madamo ang indi mahilig sa rabanos ukon radish bangud sa sabor kag baho sini.
Apang may yara ini sang madamo nga benepisyo nga maangkon sa pagkaon sang rabanos.
Suno kay Dr. Edwin Bien, isa ka medical doctor sang integrative and wellness medicine, nagabulig ang pagkaon sang labanos para sa pagpanami sang kutis kag pagpabakod sang tul-an.
Ang isa ka pinaka-naluyagan man sang iban nga tawo sa rabanos amo ang pagbulig buhin sa bug-at sang isa ka tawo.
Magluwas sini, maayo man sa tagipusuon ang rabanos kag nagapanubo man sang blood pressure.
Ang pagkaon man sini ang nagalikaw sa balatian nga cancer kag nagapabaskog sang immune system.
Maayo man sa digestive system ang labanos kag mangin sa urinary disorder.
Manami man sa respiration kag natular nga pangpalamig sang lawas.
Gani panugyan sang eksperto, mas maayo nga kaunon ang labanos sa subong nga tion sang summer.
