Manami sa ikaayong lawas kag madamo ang benepisyo sa lawas sang isa ka tawo ang pagkaon kag pag-inom sang ano man nga sahi sang soybeans product.
Santu sa pagtuon sang Institute of Plant Breeding sang University of the Philippines Los Banos (IPB-UPLB) sa pagpanguna ni Elmer Enicola, ang soybeans ang may mataas nga protina kag calcium, may yara man ini sang omera 3, fiber kag iban pa.
Ginpaathag naman ni Enicola nga wala sang kamatuoran kag wala sang scientific studies ang nagapamatuod nga nagaresulta sang balatian nga gout ang pagkaon sang soybeans.
Ginpaathag ni Enicola nga ang gout ang gikan sa pagdamo sang uric acid sa dugo nga nagikan sa fluid pinaagi dang mga joints gikan sa waste products nga halin sa metabolism sang purines.
Suno kay Enicola, makuha sa pagkaon sang karne kag atay sang sapat, anchovies, sardines, mussels, bacon, scallops kag tuman nga pag-inom sang makahulubog nga ilimnon ang purines.
Ang mga beans kaangay sang stringbean, chickpea, mungbean kag soyfood kaangay sang tofu, tokwa, taho kag soymilk ang may manubo lamang nga purines content.
Dugang pa sang natungdan, ang pagkaon kag pag-inom sang soybeans product ang isa ka anti cancer kag manami man sa tul-an sang tawo.
