Indi mahangpan sang TV host/reporter nga si Gretchen Ho kun ngaa nalakip ang iya pangalan sa mga media personalities nga ginapahayag may plano nga gub-on ang gobyerno ni Presidente Rodrigo Duterte.
Samtang nalakip man si Gretchen sa madamo nga mga artista nga gin-imbitahan sa private dinner sa Malacanang Palace.
Pila sa mga artista nga nagtambong sa appreciation dinner amo sanday Richard Gomez, Robin Padilla, Ai-Ai delas Alas, Ruffa Gutierrez, Aiko Melendez, Toni Gonzaga, Mariel Rodriguez, Joseph Marco, kag John Lloyd Cruz.
Apang antes pa man imbitahan si Gretchen sa panyapon kaupod ang Presidente, una na nga naghiwat sang press briefing si Presidential Spokesperson Atty. Salvador Panelo nga naga-eksplikar sang destabilization matrix kag makit-an nga nalakip sa matrix ang pangalan ni Gretchen sa diin madamo nga mga netizens ang nakibot.
Magluwas kay Gretchen, nalakip man sa matrix ang Olympic weightlifter nga si Hidilyn Diaz.
Gin athag man ni Diaz nga sini niya kilala si alyas “Bikoy” kag si Rodel Jayme, nga ginapahayag nag-share sang mga videos nga naga angot sa pamilya Duterte sa isyu sang iligal nga droga.
