Masarangan mo bala magkaon sang buhi nga seafoods?
Pinasahi ang ginhimo sang isa ka vlogger sa China sang iya gintinguhaan nga makaon ang buhi nga octopus.
Apang sa baylo nga mangin manami ang iya nga vlog, gilayon siya nga nagsinggit sa ka sakit matapos nga ginsuyop sang octopus ang iya nawong.
Antes pa man matabo ang pag singgit sang vlogger, una na nga ginsuyop ang iya nga nawong sa pag-umpisa pa lang sang iya nga vlog apang wala niya ini ginhatagan sang atensyon kag padayon nga nagapa-bida sa iya nga mga viewers.
Sang iya nabatyagan nga masakit na ang iya nawong, gintinguhaan sang vlogger nga makuha ang octopus apang nabudlayan ini bangud sa tuman nga pagtapik sang ‘sea creature’.
Apang sa gilayon niya nga pagbutong sa octopus agud makuha sa iya nga nawong, nakit-an niya nga napak-it ang iya nga panit kag nagresulta sa pagbatyag sang vlogger sang tuman ka hapdi.
Bangud sini, madasig nga nangin viral ang video ni “seaside girl Little Seven” sa social media apang indi pagdayaw ang iya nakuha sa baylo, pagpakamalaot nagikan sa mga netizens.
