ILOILO – Indi pa matumod ni Iloilo Police Provincial Office (IPPO) Director Police Col. Marlon Tayaba ang motibo sa pagluthang sa punong barangay sang Preciosa, Sara, Iloilo.
Ang biktima amo si Punong Barangay Ronnie Dorde.
Sa interview sang Bombo Radyo kay Col. Tayaba, iya ginpahayag nga ginahulat pa niya ang assessment sang mga pulis nga naga-imbistigar sa insidente kun bala malakip ini sa election related incident.
Nagpanugyan naman si Tayaba sa mga pulis sa 5th district sang Iloilo nga hugot nga ipatuman ang layi kag siguraduhon nga malinong ang lugar.
Nahibaluan nga duha ka mga suspek sakay sa mitorsiklo ang nagtiro kay Dorde sa diin kritikal ini siya subong sa ospital.
