ILOILO CITY – Wala pa sa gihapon sang dinahum-dahom ang deklarasyon sang State of Calamity sa syudad sang Iloilo.
Sa interview sang Bombo Radyo kay Mr. Darwin Papa, operations officer sang City Disaster Risk Reduction Management Council (CDRRMC), iya ginpahayag nga indi pa siya makahatag sang timeline kun san-o maka-umpisa sa pag-deliver sang tubig sa syudad sang Iloilo matapos ang kontrobersyal nga pagdeklarar sang State of Calamity sang Abril 26.
Sa pagpaathag ni Papa, indi pa niya matul-id kun san-o ang water delivery bangud nga iya pa nga ginahulat ang Memorandum of Agreement (MOA) kag iban pa nga rekisitos agud nga maka-umpisa na sa pagrasyon sang tubig.
Santo sa monitoring sang CDRRMC, sa 33 ka mga barangay nga apektado sang water crisis, wala pa sang isa sa ila nga nakagasto sang ila tagsa ka mga quick response fund.
