JANIUAY, ILOILO – Wala na natabangan pa ang isa ka amay matapos nga naaksidente sa motorsiklo nga ginamaneho sang iya nga anak sa Barangay Tambal, Janiuay, Iloilo.
Ang biktima amo si Alejandro Loreto, 58 anyos kag ang iya anak ang ginkilala kay Sonny Loreto, 38 anyos kag lunsay residente sang Kipot, Janiuay.
Sa interview sang Bombo Radyo kay Police Corporal Pio Estampador , imbestigador sang Janiuay Municipal Police Station, iya ginpahayag nga nadulaan sang kontrol ang motorsiklo sang mag-amay rason nga naaksidente ang mga ini kag nakabunggo sa poste.
Suno kay Estampador, naghalin ang mag-amay sa Poblacion, Janiuay kag pauli na kuntani sa ila nga balay sa diin madasig ang pagpadalagan sang motorsiklo ni Sonny.
Sa subong, padayon pa nga ginabulong si Sonny samtang gindeklarar naman nga dead on arrival ang iya nga amay.
Nahibaluan nga palangabuhian sang mag-amay ang paglibod sang balut.
