Atensyon sa mga ginikanan nga may yara sang mga kabataan nga nagapangihi sa katre.
Suno kay Dr. Oyie Balburias, isa ka internist, masami mauntat man ang pag-ihi sa katre sang mga kabataan apisar nga wala sang gina-inom nga bulong.
Apang ini ang ginakabalak-an sang mga bata kag sa ila mga pamilya bangud ini ang nagatuga sang kahuy-anan.
Ang kondisyon nga ini ang indi bangud sa balatian sa kidney, katamaron ukon sa pagkatig-a sang ulo sang mga bata.
Ang pag-ihi sa katre ang masami sa mga bata nga naga edad anom ka tuig panubo kag indi ini hungod.
Ang mga bata ang nagakadapat nga panugyanan nga ang ini nga kondisyon ang mauntat kag madula lamang.
Indi man sila nagakadapat nga akigan bangud sa pag-ihi sa katre.
Ang napanguna nga solusyon sa nasambit nga kondisyon amo ang edukasyon kag motivational therapy.
Panugyan sang ekesperto, kinahanglan nga may yara sang alarm agud nga mangihi agud nga malikawan ang pag-ihi sa katre sang mga kabataan.
Dugang pa sang natungdan, ang pamilya sang bata nga may problema sa pag-ihi sa katre ang gilayon nga magpakonsulta kun ang bata ang nagapangihi sa katre apisar kun aga kag nagapangihi sa katre apisar nga ang edad ang masobra na sa pito ka tuig.
