ILOILO CITY— Dakop sa ginpatigayun nga buy bust operation ang isa ka lalaki sa Brgy. West Timawa, Molo, Iloilo City.
Ang subject ang ginkilala nga si Bonavi Dela Cruz, 31, isa ka food vendor sang Brgy. Gustilo, Lapaz, Iloilo City.
Nakuha kay Dela Cruz ang isa ka sachet sang ginapatihan shabu nga nagabalor sang P2,200, P200 nga buy bust money, dugang nga isa ka sachet sang ginapatihan shabu kag P100 nga kwarta.
Preso sa Molo Police Station si Dela Cruz kag magapangatubang sang nagakaigo nga kaso.
