ILOILO CITY – Magapabilin nga nakapaskil ang mga advocacy posters ni outgoing Iloilo City Mayor Jose Espinosa III sa nagkalain-lain nga lugar sa syudad sang Iloilo.
Makit-an nga kaupod ni Espinosa si Presidente Rodrigo Duterte sa iya nga advocacy poster sa diin nasaad ang mga tinaga nga “Utos ng Presidente, Utos ni Mayor: No to Drugs, No to Corruption, No to Criminality”.
Sa interview sang Bombo Radyo kay Espinosa, iya ginpahayag nga mahimo kuhaon ang iya nga poster sa tion nga matapos na ang iya termino bilang alkalde sang syudad.
Nahibaluan nga gintabunan sang Commission on Elections (Comelec) ang nawong ni Espinosa sang campaign period bangud sa paglapas sang Comelec election code.
