NUEVA VALENCIA GUIMARAS- Ginpadangat sa Guimaras Provincial Hospital ang isa ka lalaki matapos nga ginbitay ang iya kaugalingon sa sulod sang ila balay sa Nueva Valencia, Guimaras.
Ang biktima ang ginkilala nga si Rex Galas, 58, Barangay Napandong, Nueva Valencia, Guimaras .
Sa panaysayon sang kaupod sa balay sang biktima, nakit-an na lang nila nga may yara sang handong nga nagabitay rason nga ila ini gintan-aw kag didto na nakit-an nga nagabitay na ang biktima.
Gilayun naman nga gindala sa hospital ang biktima nga sa subong nabudlayan nga magginhawa.
Problema sa pamilya ang ginatan-aw nga motibo sang tuyo nga pagpanginmatay sang biktima.
