Atensyon sa mga kalalakihan! Masarangan mo bala nga indi pagpuli-an ang imo nga misis?
Sa Florida, isa ka 70 anyos nga lalaki ang gindakop sang pulis bangud nakit-an siya nga nagatindog sunroof sang iya salakyan samtang nga nagadrive.
Ang lalaki ang ginkilala kay Leonard Olsen.
Suno sa witness, una niya nga nakit-an si Olsen nga naga pungko pa sa sunroof samtang nagalakat ang iya nga salakyan kag gilayon nga nagtindug.
Ginpangayuan sang statement sang pulis ang lalaki kag iya ginpahayag nga hungod ang iya ginhimo agud nga kuhaon siya sang mga pulis bangud indi na niya luyag nga magpauli pa sa iya nga misis.
Suno kay Olsen, indi na niya luyag pa nga magbalik sa iya nga asawa bangud ginakabig lamang siya nga isa ka kabulig.
Ginpahayag man ni Olsen nga mas maayo nga sa presuhan na lamang siya magtinir ipaanggid sa iya balay nga kaupod ang iya asawa.
