Masami bala nga nagasakit ang imo nga dulunggan?
Suno kay Dr. Willie Ong, may yara sang duha ka mga sahi sang pagpalanakit sang dulunggan.
Ini ang impeksyon sa guwa sang dulunggan (swimmer’s ear) kag impeksyon sa sulod sang dulunggan (middle ear infection).
Sa mga mahilig nga maglangoy sa dagat, mahimo nga maangkon ang impeksyon (bacteria o fungus) sa dulunggan.
Naga-umpisa ang swimmer’s ear sa pagkatol sang dulunggan.
Pagkatapos sini, mabatyagan gilayon ang pagsakit kag may mabaho nga maguwa gikan sa imo dulunggan.
Malikawan ang swimmer’s ear sa pagpaligo sa matinlo lamang nga swimming pool; maggamit sang ear plugs agud indi magsulod ang tubig sa imo dulunggan kag antes magpaligo sa swimming pool ukon dagat, patulu-an sang gamay nga baby oil ang dulunggan agud nga ini ang ma protektahan.
Samtang, ang mga bata naman ang masami nga nagaangkon sang impeksyon sa sulod sang dulunggan (middle ear infection).
Ini ginatawag sang mga doktor bilang Otitis media.
Naga-umpisa ini sa pagbatyag sang sip-on, sinusitis ukon allergy.
Bangud sini, ang sip-on nagikan sa ilong ang mahimo nga magkadto sa dulunggan pinaagi sang isa ka gamay nga konektado nga tubo ukon ang ginatawag nga Eustachian tube.
Ang tanan ang mahimo nga makaangkon sang sini nga impeksyon apang ang masami nga makaangkon amo ang mga bata.
Kun maglala ang impeksyon, mahimo mabuslot pa ang ear drum.
Panugyan sang eksperto, kun makabatyag sang pagpalanakit sang dulunggan sa guwa man ukon sa sulod, nagakadapat nga magpakonsulta sa ear, nose, and throat (ENT) specialist.
