POTOTAN, ILOILO – Pilason ang lima ka mga biktima sakay sa tricycle matapos nga masagairan sang ceres bus sa Brgy Cato-ogan Pototan , Iloilo.
Ang driver sang tricycle amo si Rainier Sumagaysay, 20 anyos kag apat ka mga pasahero samtang ang driver naman sang ceres bus amo si Nelson Delos Reyes, 42 anyos.
Sa interview sang Bombo Radyo kay Police Staff Sergeant Mark Pareño, imbestigador sang Pototan Municipal Police Station, iya ginpahayag nga nagasundanay lamang ang tricycle kag ceres bus sang gilayon nga nag overtake ang bus kag nasagairan ang tricycle rason nga nakaangkon sang mga pilas sa nagkalain-lain nga bahin sang lawas ang apat ka mga pasahero kag driver sang tricycle.
Suno kay Pareño, nalagyo pa ang driver sang ceres bus kag subong padayon nga ginapangita sang kapulisan.
Nagapabilin naman sa ospital ang mga biktima agud madapatan sang nagakaigo nga pagbulong.
