Masami bala nga nagasakit ang imo nga ulo?
Suno kay Dr. Tranquilino Elicaño Jr., isa ka oncologist, may yara sang tatlo ka sahi sang sakit sang ulo nga ginalakipan sang Tension type headache; Cluster headache kag Migraine headache.
Ang tension type amo ang pagsakit sang ulo sa diin konektado sa anit, nawong, liog kag mangin sa abaga.
Isa sa mga kabangdanan kun ngaa nagabatyag sang tension type amo ang stress kag anxiety.
Ang cluster headache naman amo ang pagsakit sang ulo sa diin ang apektado lamang amo ang katunga nga bahin kag indi ang pangkabug-osan nga ulo.
Samtang ang migraine naman ang mahimo nga mag atake sa ano man nga edad apang masami nga nagabatyag sini amo ang naga edad 10 tubtob 30.
Pila sa mga kabangdanan sa pag-atake sang migraine amo ang tuman kagahod; malip-ot kag malawig nga tulog; anxiety, depression kag fatigue; hormonal influences ukon paggamit sang contraceptives; kag tuman nga paggamit sang pain killers.
Panugyan sang eksperto, kun makabatyag sang masami nga pagsakit sang ulo, mas maayo nga gilayon magpakonsulta sa doktor.
