ILOILO – Ginpakita sang mga tawo ang paghiliusa sa pagtakop sang Brigada Eskwela 2019.
Sa interview sang Bombo Radyo kay Dr. Miguel Mac Aposin, schools division superintendent sang Department of Education (DepEd), iya ginpahayag nga daw kaangay nga nangin pista ang pagbukas tubtob sa pagtakop sang Brigada Eskwela sa diin makit-an ang bayanihan spirit.
Suno kay Aposin, ang tagsa ka komunidad ang nagtinguha gid agud nga mabuligan ang pagtinlo sa mga eskwelahan.
Dugang pa sang natungdan, indi man manigar nga may yara sang kinahanglan nga ipakaayo ukon ilislan na nga mga bangko kag atup bangud nga ini ang guba na.
Nagpasalamat naman si Dr. Aposin sa mga stakeholders, maestra, barangay officials, ginikanan kag mga estudyante nga naghatag sang ila nga oras sa pagbalik-balik sa eskwelahan agud nga magserbisyo nga wala sang ginapangayo nga kabaylo.
Nahibaluan nga nag-umpisa ang Brida Eskwela sang Mayo 20 kag nagtakop naman ini kahapon nga adlaw, Mayo 25.
