Tuman ka bala ka malilipaton nga apisar ang imo nga anak ang mahimo mo pa nga malipatan? Sa Hamburg, Germany, nalimtan sang mag-asawa ang ila bag-o bun-ag nga anak sa sulod sang taxi sang sila ang naghalin sa ospital.
Kaupod sang mag-asawa ang isa man nila ka anak nga isa ka tuig ang edad sa diin sang sila ang nagpanaog na sa taxi, wala nakahibalo ang mag-asawa nga may isa pa sila ka anak nga nabilin sa sulod sang salakyan.
Sang gilayon nga naglakat ang taxi, na-realize sang mag-asawa nga nabilin nila ang ila anak sa sulod sang taxi.
Apisar nga nagdalagan pa ang amay agud nga mapabalik ang taxi apang wala niya ini naabtan.
Gilayon nga nag report ang mag-asawa sa pulis.
Wala man na tulupangdan sang driver nga may nabilin pa nga pasahero sa backseat sa diin nagdesisyon pa ini nga i-park ang salakyan sa underground parking lot agud nga makapanyaga na ini.
Gintinguhaan naman sang mgma kapulisan nga makita ang taxi sa bilog nga syudad sang Hamburg.
Matapos nga magpanyaga sang driver, nagpadulong na ini sa paluparan agud nga magkuha sang pasahero.
Samtang siya ang nagamaneho, iya na nga natulupangdan ang bag-o bun-ag nga bata nga nagakatulog.
Bangud sini, gilayon man nga nagpdulong ang driver sa pulis agud nga i-report ang nabilin nga bata sa iya nga salakyan.
Sa subong, kaupod na sang mag-asawa ang ila nga anak.
