Sin-o bala ang indi luyag nga mangin matinlo ang ila nga balay?
Sa Marlborough,Massachusetts, sa Amerika, ginakakibot ni Nate Roman kaupod ang iya pamilya sang sila ang nagpauli sa ila balay kag natukiban nga may pinagbag-o ang ila nga balay.
Naglain ang mga arrangement sang ila mga kagamitan sa sulod balay kag tuman na ini katinlo lantawon.
Indi man mahambal sang pamilya nga ginkawatan sila bangud bisan isa ka butang ang wala nadula sa sulod sang ila balay.
Suno kay Nate, sang sila ang naghalin sa ila balay agud nga sugaton ang iya anak, nabilin niya ang duha ka mga kwarto nga tuman ka higko.
Sa sulod naman sang comfort room (CR), nakit-an ni Nate nga ang tissue paper ang ginhimo nga origami rose.
Photo from Nate Roman/Facebook/Oddity Central
Apisar wala sang may nadula nga butang, nagtawag sa gihapon ang pamilya sa pulis agud nga i-report ang insidente.
Bangud sini, nagdesisyon si Nate nga baylohan ang tanan nga padlock sa iya nga balay agud nga masigurado ang seguridad sang iya nga pamilya.
