ILOILO – Hugot nga ginpanginwala sang iloy sang gin-utangan ni Marlyn Serdeña, ang babaye nga ginpatay kag ginhal-id sa kilid sang dalan sa Barangay Talusan, Dumangas, nga may kaangtanan ang iya anak sa pagpatay sa nasambit nga babaye.
Ini matapos nga daw kaangay nga ang iya anak nga si Christian John Lencioco ang ginapahayag nagpatay kay Serdeña bangud una na ini nga nagpa-blotter sa diin nasaad nga ginkuhaan siya sang P97,000 kag dugang nga P47,000 kabaylo sang isda kag lukon apang wala ini nagtupa.
Sa interview sang Bombo Radyo kay Nita Lencioco, iya ginpahayag nga sang natabo ang krimen, si Christian John ang yara lamang sa ila nga balay.
Nagapati si Nita nga wala sang kapasidad ang iya nga anak sa paghimo sang krimen.
Suno kay Nita, handa man sila nga mag-kooperar sa mga kapulisan agud na matinlo-an man ang pangalan san ila anak kag amo man sang ila nga pamilya.
Isa ka tuig naman nga kilala sang pamilya Lencioco si Serdeña apang nagpakilala ini nga si Shiela.
Sa pagkamatuod, nag-maninoy pa sa bunyag sang anak ni Serdeña si Christian.
Sang Mayo 24 ulihe nga nakabaton sang text message si Nita halin kay Serdeña sa diin iya ginpahayag nga may nagapahog sa iya.
Nahibaluan nga antes pa man napatay si Serdeña, nagpa-blotter pa ini sa Molo Police Station, las-5 sang aga kag nasapwan na lang ini nga patay na las-6 man sang aga sa amo man nga adlaw.
