ILOILO CITY– Indi pabor kag ginapakamalaot sang transport group sa syudad sang Iloilo sa ginaduso nga Anti-counterflow ordinance ni Iloilo City Councilor Lyndon Acap.
Sa interview sang Bombo Radyo kay Mr. Reymundo “Boyet” Parcon, Presidente sang Iloilo City Loop Alliance of Jeepney Operators and Drivers Association (ICLAJODA), iya ginpahayag nga indi dapat mangin ordinansa ang ginaduso ni Acap.
Kun mapasar ang counterflow ordinance suno kay Parcon, mabudlay para sa iban nga mga nagabyahe sang salakyan, pribado man ukon depampasahero.
Nagakadapat suno kay Parcon nga ipatuman ang nasambit nga ordinansa sa mga 4 lanes nga alagyan.
May yara naman sang igapaguwa nga position paper ang ICLAJODA sa Lunes, Hunyo 3, agud pamatukan ang pagpasar sang nasambit nga ordinansa.
