ILOILO CITY– Ginpasurado sang Public Safety and Transportation Management Office (PSTMO) na nakatutok sila sa pagbantay sa dalagan sang trapiko sa mga dalanon sa Syudad sang Iloilo kadungan sang pagbukas sang klase.
Sa exclusive interview sang Bombo Radyo Iloilo kay PSTMO Head Mr. Jeck Conlu, iya ginpahayag nga nagdeploy sila sang 348 ka mga personnel agud magbantay sa dalagan sa mga dalanon sa syudad sa diin gintunga ang mga ini sa dugang nga shifting.
Ang mga ini ang naghalin sa traffic management division, special services division, auxilliary police kag public safety unit.
Ginalauman man suno kay Conlu nga magataas ang numero sang mga pasahero.
Isa ka semana antes ang klase suno kay Conlu, gin-clearing na sang PSTMO ang mga dalanon.
Nagpanawagan man si Conlu sa mga drivers nga city loop nga mag byahe agud i-accomodate ang mga pasahero.
