ILOILO CITY – Ginpasiguro ni Israeli Ambassador to the Philippines Rafael Harpaz nga mas pabaskugon ang relasyon sang Pilipinas kag Israel.
Ini ang kasunod sang pagbisita ni Harpaz sa syudad sang Iloilo kaupod ang iya tiayon nga si Madame Shulamit Harpaz.
Sa interview sang Bombo Radyo kay Harpaz, iya ginphayag nga interesado ang Israel nga makabulig sa pagpauswag sa ekonomiya sang Pilipinas paagi sa paghatag sang ayuda kag paghatag sang madamu nga turista.
Ginpahayag man ni Harpaz nga bukas man ang Israeli Government sa mga Filipino nga luyag nga magpadulong kag magtrabaho sa Israel.
Kadungan sini, ginpahayag sang Israeli official nga indi niya malimtan nga isa ang ila pungsod sa mga nagpatigayon sang pinakadaku nga relief operations sang naglaslas ang bagyo Yolanda sa Visayas sadtong 2013.
