ILOILO CITY – Magapatigayon sang inspeksyon ang Local Economic Enterprise Office (LEEO) sa mga barangay sa syudad sang Iloilo nga nagapatigayun sang backyard slaughter.
Sa interview sang Bombo Radyo kay Ariel Castañeda, pinuno sang LEEO, iya ginpahayag nga may yara sila sang namonitor nga naga-ihaw sang sapat sa mga kabarangayan nga wala naga-agi sa slaugherhouse.
Suno kay Castañeda, ila na ginahimuan sang solusyon agud nga matapna sang backyard slaughter.
Wala pa sila sang inspection order suno kay Castañeda, apang mahimo nga sa masunod nga semana ma-istoryahan nila kun ano ang guidelines sa pag-ihaw sang mga kasapatan.
Indi naman niya mahatag ang lista sang kabarangayan bangud padayun pa ang ila validation.
