ILOILO CITY – Patay ang isa ka durugista matapos magbato sa mga otoridad sa drug buy bust operation sa Mandurriao Iloilo City.
Ang subject amo si Giovanni Guancia Mejica, 37 sang Block 10, Lot 5,
Imperial 6, Mandurriao Iloilo City.
Si Mejica ang High Value Target (HVT) 1 kag nagabaligya sang iligal
nga droga sa distrito sang Mandurriao.
Ang operasyon ang bunga sang gintingob nga pwersa sang City Drug
Enforcement Unit kag Mandurriao Police Station.
Sa interview sang Bombo Radyo kay Police Major Marlon Valencia,
hepe sang Mandurriao PNP, iya ginpahayag nga nagpalupok si
Mejica matapos mahibaluan nga pulis ang nagbakal sa iya sang iligal
nga droga.
Suno kay Major Valencia, maswerte nga may bullet proof vest ang
pulis nga ginluthang ni Mejica.
Nahibaluan nag nakuha pa gid ang granada nga sa crime scene sa
diin ginapatihan nga iya ini sang bitkima.
Natalana naman nga ipaidalom sa autopsy examination ang bangkay sang biktima.
