HONG KONG- Nagapadayun ang pagprotesta sang mga tawo sa Hong Kong may kaangtanan sa extradition bill apisar sang pagbubo sang madamol nga ula.
Sa interview sang Bombo Radyo kay kay Bombo International Correspondet Merly Bunda, iya ginpahayag nga ang mga nagaprotesta ang nagsulod kag nagpasilong sa isa ka government building sa tion nga mg ulan kag nagabalik sa dalanon sa tion nga maghulaw na ini.
Suno kay Bunda, sang nagliligad pa nga adlaw ang pag-inulan sa Hong Kong apang mas madamol ini sa subong nga adlaw.
Ang iban nga mga protesters suno kay Bunda ang nagadala man sang payong agud may magamit kun mag-ulan.
Mas madamo naman suno sa iya ang nagprotesta sang adlaw sang Dominggo kun ikumparar sa subong nga adlaw.
Ginabanta masobra 70 naman sa mga protesters ang nagkalapilasan bangud sa paggamit sang teargas sang mga otoridad apang gindala man ang mga ini sa pinakamalapit nga hospital.
Samtang padayun naman suno kay Bunda ang pagpahanumdum ang Philippine Consulate sa mga Pilipino nga doblehun ang paghalong, mangin updated kag likawan ang pagpalapit sa mga lugar sa diin makabig okupado sang mga nagaprotesta.
