Ang makahulubog nga ilimnon nagakadapat nga ibutang sa tiyan kag indi sa ulo.
Sa pungsod China, isa ka lalaki ang ginpadangat sa ospital bangud sa pagpalanakit sang iya nga dughan.
Nag inom-inom ang 26 anyos nga lalaki kaupod ang iya mga abyan kag sang pagpauli sini, ginkakibot niya nga wala na kag nadula na ang iya nga liyabe.
Apang bangud may yara man sang tawo sa sulod sang balay, iya ini nga gintawag agud nga buksan siya.
Gilayon siya nga nagdiretso sa iya nga kwarto kag nagtulog.
Pagka-aga, nabatyagan niya ang tuman nga pagsakit sang iya nga dughan.
Una nga gin pa X-ray ang lalaki kag ginkakibot sang mga doktor nga may yara sang liyabe sa iya esophagus.
Delikado ang nangin kahimtangan sang lalaki bangud sa tuman ka dako sang liyabe nga iya natulon.
Ang liyabe nga sa pagkadumdom niya nga nadula ang yara gali sa sulod sang iya nga lawas.
Bangud sa tuman nga kahulugbon, wala na nadumduman sang lalaki nga natulon niya gali ang liyabe sang iya balay.
