ILOILO CITY – Ginahulat pa sang Land Transportation Office (LTO) ang sabat sang driver sang Mazda MX5 sports car nga nakabunggo-patay sa mag-asawa nga school principal kag manunudlo sa Sen. Benigno Aquino Jr. Avenue, Mandurriao, Iloilo City.
Ini ang kasunod sang show cause order nga ginpaguwa sang LTO batok kay June Paul Valencia sang Martes, Hunyo 18.
Sa interview sang Bombo Radyo kay Jose Romeo “Jojo” Jamerlan, deputy chief for operations sang LTO-6, iya ginpahayag nga santo sa nakasaad sa show cause order, may yara lamang sang lima ka adlaw si Valencia nga makahatag sang sabat kun nga-a indi siya dapat paghatagan sang silot kasunod sang natabo nga aksidente.
Ginpahayag ni Jamerlan nga ang utod lang ni Valencia ang nagbaton sang show cause order kag bangud sini, hatagan sang extension nga duha ka adlaw ang natungdan agud nga makasabat.
Kun mapaslawan, diri na kag magadesisyon si LTO-6 Regional Director Rolando Ramos kun bala dugangan ang 3 ka bulan nga suspension ukon bawion na lang ang lisensya ni Valencia.
