ILOILO CITY – Nagaling nga buhi ang isa ka trabahador sa hilimuan sang processed food sa Brgy. Mansaya, Lapuz, Iloilo City.
Ang biktima nga ginkilala nga si Jomar Junco, 18, sang Laua-an, Antique.
Sa interview sang Bombo Radyo kay Gerald Barrios, kaupod sa trabaho sang biktima, nakibot na lamang sila sang nakit-an ang lawas sang biktima sa diin ang tiil na lamang ang wala ginkaon sang makina.
Suno kay Barrios, mahimo nga nabutong pasulod sang makina si Junco bangud posible nga may ginlab-ot sa galingan ang biktima.
Dead on the spot si Junco kun sa diin naglab-ot pa sa masobra isa ka oras bag-o makuha ang iya lawas sa makina.
Nahibaluan nga duha ka semana pa lang nga nagatrabaho sa nasambit nga factory si Junco.
