ILOILO CITY – Tinguhaan sang LaPaz Police Station nga imbestigahan ang natabo sa soltero nga ginlamon sang meat mixer sang processed frozen food sa Barangay Mansaya, Lapuz, Iloilo City.
Ang biktima amo si Jomar Junco, 18 anyos sang Laua-an Antique.
Sa interview sang Bombo Radyo kay Police Senior Master Sergeant Alain Selda, imbestigador sang Lapaz Police Station, iya ginpahayag nga una na nga ginpadalman nila ang natabo kay Junco sa diin iya makatingalahan kun ngaa wala sang ni isa sa mga trabahador ang nakabati kun nakasinggit ang biktima.
Apang sa panaysayon sang isa sa mga trabahador suno kay Selda, may yara sang sliding door kag sliding window nga nagabalabag sa lugar nga gina-mixklahan sa diin nahamtang si Junco rason nga wala nila mabatian kun nagsinggit gid man bala ang biktima.
Dugang pa sang natungdan, na istorya man sang mga otoridad ang utod sang biktima kag kumbinsido man ini nga aksidente ang natabo sa iya nga manghod.
Apang wala man ginadula sang LaPaz PNP ang posibilidad nga may yara sang foul play sa diin luyag nila nga imbestigahan ukon usisaon pa ang natabo kay Junco.
Sa subong, ginaproblemahan sang mga otoridad bangud nga malimpyo na ang meat mixer kag kontaminado na ang area.
Nakadepende naman sa pamilya sang biktima kun bala ipaidalom sa autopsy ang bangkay ni Junco.
ILOILO CITY – Tinguhaan sang LaPaz Police Station nga imbestigahan ang natabo sa soltero nga ginlamon sang meat mixer sang processed frozen food sa Barangay Mansaya, Lapuz, Iloilo City.
Ang biktima amo si Jomar Junco, 18 anyos sang Laua-an Antique.
Sa interview sang Bombo Radyo kay Police Senior Master Sergeant Alain Selda, imbestigador sang Lapaz Police Station, iya ginpahayag nga una na nga ginpadalman nila ang natabo kay Junco sa diin iya makatingalahan kun ngaa wala sang ni isa sa mga trabahador ang nakabati kun nakasinggit ang biktima.
Apang sa panaysayon sang isa sa mga trabahador suno kay Selda, may yara sang sliding door kag sliding window nga nagabalabag sa lugar nga gina-mixklahan sa diin nahamtang si Junco rason nga wala nila mabatian kun nagsinggit gid man bala ang biktima.
Dugang pa sang natungdan, na istorya man sang mga otoridad ang utod sang biktima kag kumbinsido man ini nga aksidente ang natabo sa iya nga manghod.
Apang wala man ginadula sang LaPaz PNP ang posibilidad nga may yara sang foul play sa diin luyag nila nga imbestigahan ukon usisaon pa ang natabo kay Junco.
Sa subong, ginaproblemahan sang mga otoridad bangud nga malimpyo na ang meat mixer kag kontaminado na ang area.
Nakadepende naman sa pamilya sang biktima kun bala ipaidalom sa autopsy ang bangkay ni Junco.
