LEMERY ILOILO- Naga-amat-amat na balik sa ila tagsa ka puluy-an ang mga pumuluyo nga apektado sang nagtuhaw nga buhawi sa Brgy. Poblacion East, Lemery, Iloilo.
Sa interview sang Bombo Radyo kay Police Captain Marvin Buenavista, hepe sang Lemery Municipal Police Station, iya ginpahayag nga lima ka balay ang naguba sang buhawi.
Suno kay Buenavista, nakakas ang atop sang balay nga ginapanag-iyahan ni Sonny Saragosa bangud sa buhawi.
Yara sa tunga sang talamnan ang balay rason nga madasig nga nakakas ang atop sini.
Sa subong suno kay Buenavista, gina-amat-amat na sang mga natungdan sa pagkaayo ang ila tagsa ka balay kag wala sang may napilasan sa insidente.
