OTON, ILOILO – Isa patay samtang isa naman ang pilason nga lunsay trisikad driver matapos ginbuno sang isa man ka trisikad driver sa Poblacion East Oton, Iloilo.
Ang dead on arrival amo si Mharbert Santander samtang ang pilason naman amo si Melvin Castillanes.
Sa interview sang Bombo Radyo kay alyas Joe, ang nakakita sa insidente, iya ginpahayag nga nakit-an niya nga may dala nga kutsilyo si Lotlot Custodio nga amo ang suspek sa krimen.
Pilas sa dughan ang naangkon ni Santander samtang pilas sa kilid sang lawas naman ang naangkon ni Castillanes.
Si Custodio ang may yara man sang mga pilas sa lawas kag bukol sa ulo.
Ginapahayag nga may daan nga hiligut-anon ang mga trisikad drivers.
Natigayon naman nga madakpan sang Oton Municipal Police Station ang suspek.
