Ginpahanugutan sang Malacañang nga makapangisda ang mga Chinese nationals sa bahin sang South China Sea sa exclusive economic zone (EEZ) sang Pilipinas.
Suno kay Presidential spokesperson Atty. Salvador Panelo, wala nagapabor ang China nga dumilian sila nga magpangisda sa EEZ.
Dugang pa sang natungdan, pahanugutan ni Presidente Rodrigo Duterte ang China nga makapangisda bangud mag-abyanay man ang duha ka mga pungsod.
Ang nangin pahayag ni Panelo ang baliskad sa una sini nga pahayag sang Hunyo 17 nga ginadumilian ang mga Chinese nga magpangisda sa Recto Bank.
Ini bangud sa natabo sang Hunyo 9 nga gintawag sang Presidente nga isa ka sahi sang maritime incident sa pagsalakay sang Chinese vessel sa sakayan sang mga Filipino nga yara sa EEZ sa idalom sang United Nations Convention on Law of the Sea.
