Ginakabig nga dako nga kadungganan para kay Iloilo 3rd district Board Member Manny Gallar ang makapangalagad bilang Sangguniang Panlalawigan Member sa sulod sang tatlo ka termino.
Sa iya gin-deliver nga farewell speech kadungan sang pagtakop na sang iya termino, ginpahayag ni Gallar nga wala na sang iban nga trabaho nga sarang maghatag sang tuman nga kalipay kundi ang magserbisyo sa pumuluyo.
Gin-ako ni Gallar nga wala niya ginhandom nga mangin isa ka pulitiko, apang suno sa iya ginplano ini sang Diyos gani iya ini gintuman.
Ginpasalamatan man ni Gallar ang Bombo Radyo Iloilo sa diin niya natun-an ang matuod nga serbisyo publiko antes siya nagsulod sa pulitika kag ginpadayon ang pagpangalagad sa pumuluyo.
Pagkatapos sang iya termino, ginpahayag ni Gallar nga igahatag niya ang bug-os nga atensyon kag serbisyo sa iya pamilya.
Apang halangpon naman ang pahayag ni Gallar nga “I shall return” sa iya farewell speech.
Matandaan nga nagpadalagan si Gallar sa pagka- congressman sang 3rd district sang Iloilo apang ginpierde ini ni 3rd district Board member Lorenz Defensor.
