May mga tawo nga naga pa retoke agud nga madugangan ang ila kumpiyansa sa kaugalingon.
Apang madamo ang nagapati nga mas importante sa gihapon ang natural beauty.
Sa pungsod Japan, isa ka 39 anyos nga modelo ang nagbuyagyag sang iya sekreto sa pag-angkon sang matahom kag maanyag nga nawong.
Si Tsubaki Tomomi ang nagpa-idalom sa plastic surgery sang siya ang naga edad 18 anyos pa lamang matapos siya nag-graduate sa highschool.
Sang nag edad ini sang 20 anyos, ginpakaayo niya ang iya ngipon, nag pa idalom siya sa eye shaping surgery kag breast implants.
Masami nga naga pa retoke si Tomomi bangud indi ini kuntento sa kun ano lamang ang may yara siya.
Gin-ako man sang modelo nga nangin obsess siya sa plastic surgery umpisa pa lamang sang siya ang bata pa.
Ini bangud man sa iya iloy nga masami nagahambal sa iya nga indi siya gwapa rason nga na desisyonan niya nga himuon ang mga surgeries.
Ginabanta nagdangat na sa 30 million japan yen ukon masobra sa P14-million ang iya nagasto bangud lamang sa pagpakaayo sang iya nawong.
